სასტუმრო მუზეუმი მე-19 საუკუნის ისტორიული ნაგებობაა, სადაც საუკუნეების წინ დიდგვაროვანი ორბელიანების ოჯახი ცხოვრობდა. შენობა მაიკო ორბელიანის საცხოვრებელს წარმოადგენდა, სადაც ხშირად იკრიბებოდნენ თბილისის თავადები და მუდამ იმართებოდა დიდი დარბაზობები და სალონური საღამოები.
შენობა 2007 წლიდან კულტურული მემკვიდრეობის ძეგლთა ნუსხაშია შესული. ისტორიული ქუჩა არაერთ საცხოვრებელ სასახლეს აერთიანებდა, რის გამოც მას ორბელიანთუბანსაც ეძახდნენ.
სასტუმრო 46 ნომერს, 2 კვების ობიექტს და საკონფერენციო ოთახს აერთიანებს
სასტუმრო მუზეუმის არქიტექტურა და ინტერიერის დიზაინი ისეთივე უნიკალურია, როგორც მისი კონცეფცია. მას გამოარჩევს მყუდრო ატმოსფერო, ინდივიდუალური, ელეგანტური სტილი, რაც მე-19 საუკუნის ისტორიისა და თანამედროვე ხედვების ორგანული შერწყმით მიიღწევა.
შენობის ქვედა სართულზეა განთავსებული სახელგანთქმული ღვინის რესტორანი „სირაჯხანა“, რომელიც „გოემიოს“ რჩეული რესტორანი გახდა.
მეექვსე სართულზე საუცხოო ხედებით წარმოდგენილია ლაუნჯბარი, ხოლო პირველ სართულზე „კაფე მუზეუმი“ - ფრანგულ სტილში გადაწყვეტილი გამწვანებული ტერასით, უგემრიელესი დესერტებით და ევროპული მენიუთი.
თითოეული ოთახი დაპროექტებული და მოწყობილია სახასიათო გამორჩეული და ერთმანეთისგან განსხვავებული სტილისტიკითა და დიზაინით, ყველა ოთახი აღჭურვილია ტელევიზორით, მინიბარით და ჰიგიენური ნივთების ნაკრებით.
სასტუმრო მუზეუმის მიმღები ოპერირებს 24 საათის განმავლობაში.
უფასო WIFI და უფასო პარკინგი ხელმისაწვდომია მუზეუმის ყველა სტუმრისთვის.
სასტუმრო მუზეუმი თბილისის შუაგულშია განთავსებული, ფეხით სავალი გზა უერთდება რუსთაველის გამზირს, ნარიყალას და უძველეს გოგირდის აბანოებს, მხოლოდ 100 მეტრის დაშორებით მდებარეობს ცნობილი ძველმანების ბაზრობა “მშრალი ხიდი”, ხოლო სასტუმროს შენობის უკან ორბელიანების სასახლე მდებარეობს, სადაც დღესდღეობით პრეზიდენტის ადმინისტრაციაა.
28 - 30 მარტს სასტუმრო მუზეუმი ესწრება უკრაინის საერთაშორისო გამოფენას Uitt 2018 tourism exhibition.
21 მარტს , კაფე მუზეუმმა უმასპინძლა ღონისძიებას Good France/ Goût de France, რომელიც ყოველწლიურად იმართება ფრანგული გასტრონომიის დღეების აღსანიშნავად. კაფე მუზეუმმა წარმოადგინა სპეციალურად ამ დღისთვის შექმნილი კერძები ფრანგულ ღვინოებთან ერთად.
მსოფლიოში ყველაზე მასშტაბურ ტურისტულ გამოფენაზე ITB Berlin, სრულიად ქართული, ბუტიკური ტიპის სასტუმრო მუზეუმი ამაყად წარსდგა დამთვალიერებლების წინაშე.
რესტორანი სირაჯხანა დღითიდღე უფრო და უფრო პოპულარული ხდება როგორც ქართველ ისე უცხოელ მომხმარებლებს შორის, შესაბამისად თებერვლის თვეში სირაჯხანა გახდა თებერვლის რჩეული რესტორანი საერთაშორისო უმსხვილეს ტურისტულ ვებ პლატფორმა “tripadvisor” - ის მიერ.
2017 წლის დეკემბრის თვეში, Welcome to georgia - ტურიზმის ეროვნული დაჯილდოების ცერემონიალზე, საუკეთესო კონცეპტუალურ რესტორნის ნომინაციაში გამარჯვებულად ღვინის რესტორანი "სირაჯხანა" დასახელდა.
გთხოვთ დეტალურად შეავსოთ მოცემული ველები, ივენთ მენეჯერი მალე დაგიკავშირდებათ, ზემოთ მოცემული ნიმუში იდეალურია სტანდარტული ივენთის დასაგეგმად, თუმცა არასტანდარტული მოთხოვნების შემთხვევაში შეგიძლიათ დაგვიკავშირდეთ ტელეფონის ნომერზე +995 555 698 998